Хөрс-агрохимийн лаборатори

Монгол орны тариалангийн талбайн хөрсний үржил шимийн төлөв байдлыг тогтоох, түүнийг бордоо хэрэглэн дээшлүүлэх замаар ХАА-н таримлын ургацыг тогтвортой нэмэгдүүлэх туршилт, судалгааны ажлыг гүйцэтгэнэ.

• Агрохимийн олон жилийн бордоот суурин туршлага
• Хөрсний үржил шимийн төлөв байдал, түүний нөхөн үйлдвэрлэл
• Хөрсний хөдөлгөөнт тэжээлийн бодисын (NPK) агуулалт, тэдгээрийн хөдлөл зүй
• ХАА-н таримлыг бордох технологи
• Шинэ төрлийн бордоо гаргах, хэрэглэх арга ажиллагаа
• Тэжээлийн бодисын балансад үндэслэн ХАА-н бүтээгдэхүүн үйлдвэрлэлийг нэмэгдүүлэх

Лаборатори нь хөрсний шинжилгээ хийх үйл ажиллагаандаа MNS ISO/IEC 17025:2007 стандартын шаардлагыг хангаж итгэмжлэгдсэн.

• Хөрсний үржил шим, агрохимийн шинж чанарыг илэрхийлэх 12, хөрсний агрофизикийн 4–5 төрлийн тодорхойлолт хийх арга зүйн ажиллагаатай
• Жилд дунджаар 2500–3000 ширхэг хөрсний дээжинд шинжилгээ хийх хүчин чадалтай
• Лаборатори нь хөрс, ургамлын шинжилгээнд шаардлагатай орчин үеийн багаж: спектрофотометр, дөлт фотометр, Кьелдалийн аппарат, ус нэрэгч, аналитик жин болон бусад тоног төхөөрөмжөөр хангагдсан

Хөрсний үржил шимийн шинжилгээнд үндэслэн бордооны зөвлөмж боловсруулж үйлдвэрлэлд нэвтрүүлсэн.

• 1986–1995 онд улсын хэмжээний тариалангийн нийт 860,0 мянган га талбай
• 1999–2000 онд Дархан-Уул аймгийн 2 сумын 1500 айл өрхийн эзэмшил талбай
• 2008–2010, 2012–2013 онуудад “Атрын III аян” Үндэсний хөтөлбөрийн хүрээнд улсын тариалангийн 926,0 мянган га талбайн хөрсний шинжилгээг хийж, дүнд үндэслэн ХАА-н таримлыг бордох зөвлөмжийг боловсруулан үйлдвэрлэлд нэвтрүүлсэн
• Үйлдвэрлэлийн дэвшилтэт технологийн нөхцөлд хөрсний үржил шим, таримлын ургац, түүний чанарт бордооны нөлөөг илрүүлэн туршилт, судалгаа явуулдаг